Հուշարձանային համալիր՝ Հիսուսի արձանի փոխարեն. ինչ նախագիծ են առաջարկել Ծառուկյանին

Քրիստոսի արձանը Հայաստանում կառուցելու նախաձեռնությանն արձագանքել են բազմաթիվ նախագծողներ, ճարտարապետներ։ Արդեն ստացվել է հարյուրից ավել հայտ Հայաստանից ու արտասահմանից․

Հիսուս Քրիստոսի արձանից բացի ոմանք նաև ներկայացնում են իրենց գաղափարները, թե քրիստոնեությունը որպես պետական կրոն ընդունած առաջին երկիրը ինչպիսի հուշարձան պետք է ունենա։

Մշակույթի գործիչ, բեմադրիչ Ռուբեն Հովհաննիսյանի կարծիքով՝ Գագիկ Ծառուկյանի այս նախաձեռնությունը կարող է համախմբան միջոց դառնալ։

«Մեծ թուրանի ծրագիրը ո՞րն է, որ քարտեզի վրայից Հայաստանը ջնջեն, գուցե այս ծրագիրը խթան հանդիսանա՝ քրիստոնյա աշխարհի հավաքագրմանը»,- ասել է Ռուբեն Հովհաննիսյանը՝ նշելով, որ այն կարող է դառնալ ուխագնացության վայր։

Նա առաջարկել է հուշարձանային համալիր կառուցել, որը կունենա երեք հարթակ՝ առաջինում կլինեն Քրիստոսի ծնունդը ու կյանքը պատկերող հարթաքանդակներ, երկրորդում՝ քարանձավ, իսկ երրորդում պետք է տեղադրվի Քրիստոսի արձանն ու խաչը։