ՏԵՍԱՆՅՈՒԹ. Զգուշացում բոլորին. լրագրողների աշխատանքի հետ կապված ընդհանրական որակումները վնասակար են. Արման Թաթոյան
Ուզում եմ բոլոր պաշտոնատար անձանց զգուշացնել, որ լրագրողների աշխատանքի հետ կապված ընդհանրական որակումները ոչ միայն մեծացնում են լրագրողի աշխատանքի նկատմամբ կարծրատիպերը, այլ նաև վնասակար են երկրի ժողովրդավարական և մարդու իրավունքների համակարգի համար: Այս ասուլիսի ժամանակ հայտարարեց ՄԻ պաշտպան Արման Թաթոյանը։
«Սա պետք է բոլորը նկատի ունենան, առաջնահերթ՝ պաշտոնյաները», - ասաց ՄԻՊ-ը:
Արման Թաթոյանը նաև հայտնեց, որ առաջիկայում լրագրողների իրավունքների հետ կապված արտահերթ զեկույց կհրապարակեն:
Հիշեցնենք, որ ԱԺ հունվարի 20-ի նիստում «Քաղաքացիական պայմանագիր» խմբակցության պատգամավոր Վահագն Ալեքսանյան իր ելույթում վիրավորել էր լրագրողական համույթին՝ նրանց որակելով «վերբալ մարմնավաճառներ»։
