Թուրքիայից մեկնաբանել են հայ-թուրքական հատուկ ներկայացուցիչների հանդիպումը
Հայաստանի և Թուրքիայի հատուկ ներկայացուցիչների` Ռուբեն Ռուբինյանի և Սերդար Քըլըչի միջև հարաբերությունների կարգավորման շուրջ առաջին բանակցություններն ընթացել են դրական մթնոլորտում: Այս մասին հայտարարել է Թուրքիայի արտաքին քաղաքական գերատեսչությունը։
«Հանդիպումն անցել է կառուցողական և դրական մթնոլորտում։ Պայմանավորվածություն է ձեռք բերվել շարունակել շփումները առանց նախապայմանների։ Հատուկ ներկայացուցիչների երկրորդ հանդիպման վայրն ու ամսաթիվը կորոշվեն դիվանագիտական ուղիներով», - ասված է գերատեսչության հայտարարության մեջ:
Հիշեցնենք` Հունվարի 14 - ին Մոսկվայում կայացել է Հայաստանի և Թուրքիայի հատուկ ներկայացուցիչների առաջին հանդիպումը: Այն տևել է մեկուկես ժամ։
