Վրաստանում կորոնավիրուսից ևս մեկ երեխա է մահացել
Կորոնավիրուսով ախտահարված փոքրիկը, որն ընդամենը չորս ամսական էր, մահացել է Թբիլիսիի Ցիցիշվիլիի անվան մանկական հիվանդանոցում:
Փոքրիկին հիվանդանոց են տեղափոխել դեկտեմբերի 31-ին, սակայն բժիշկներին չի հաջողվել նրան փրկել: Նախնական տվյալներով՝ երեխան կորոնավիրուսով վարակվել էր ընտանիքի անդամից: Բժիշկների խոսքով՝ փոքրիկի վիճակը խորացրել է ուղեկցող հիվանդությունը:
Ներկայում Ցիցիշվիլիի անվան կլինիկայի վերակենդանացման բաժանմունքում գտնվում է շուրջ տասը երեխա:Նրանցից մեկի վիճակն օրհասական է:
Նախօրյակին՝ հունվարի 4-ին, Թբիլիսիում Իաշվիլիի անվան կենտրոնական մանկական հիվանդանոցում նույնպես երեխա է մահացել քովիդ-ախտահարումից:
