«Տկզար». սոցիալական ցանցերում քննարկում են Ալեն Սիմոնյանի օգտագործած բառը
Քիչ առաջ ԱԺ նախագահ Ալեն Սիմոնյանը ֆեյսբուքյան իր էջում անդրադարձավ քաղաքապետ Հայկ Մարությանի ելույթին, որում Մարությանը քննադատել էր Կառավարության կողմից ԱԺ նախագահի 200 հազար դոլարով մեքենա գնելու որոշումը։ Նա արդեն նախկին քաղաքապետին անվանեց տկզար։
Քաղաքացիները քննարկում են, թե առօրյայում քիչ կիրառվող այս բառն ինչ նշանակություն ունի։ Տկզարը՝ տիկ՝ պարկապզուկ նվագող։
Ավանդույթի համաձայն՝ օգտատերերը սկսեցին սրամտել, համեմատականներ անցկացնել, ինչպես նաև իրենց ուրույն մեկնաբանությամբ ներկայացնել Հայկ Մարությանին անվստահության հայտնելու ողջ գործընթացը։
