Խիստ մտահոգիչ է ՀՀ քրեական օրենսգրքի 137.1-րդ հոդվածը (ծանր վիրավորանքը) ու դրա կիրառության պրակտիկան. ՀՀ ՄԻՊ
ՀՀ ՄԻՊ Արման Թաթոյանն իր էջում գրել է․
«Խիստ մտահոգիչ է ՀՀ քրեական օրենսգրքի 137.1-րդ հոդվածը (ծանր վիրավորանքը) ու դրա կիրառության պրակտիկան: Այս հոդվածի հարցով դեռ հոկտեմբերին եմ դիմել Սահանադրական դատարան:
Այն լի է անորոշ ձևակերպումներով, զուրկ է իրավական կոնկրետությունից, ընդունվել է ընթացակարգային կոպիտ սխալներով, Կառավարության պաշտոնական ներկայացուցչի պրակտիկայի վրա ամեն ինչ դնող մտահոգիչ դիրքորոշումներով:
Հոդվածի կիրառության պրակտիկան ավելի է ամրապնդում մտահոգությունները:
Սրանով հանդերձ, նշել եմ ու հիմա էլ նշում, որ ատելության խոսքը, արժանապատվության դեմ ուղղված և խոսքի ազատությանը հակադրվող ցանկացած խոսք դատապարտելի է, նման արատավոր երևույթները չպետք է տեղ ունենան մեր հասարակությունում և վերջ:
Բայց այս զգայուն հարցերը պահանջում են այլ մոտեցումներ:
Ստորև այս հարցով ՍԴ դիմելու Մարդու իրավունքների պաշտպանի հայտարարությունն է՝ մանրամասներով»:
