Հինգ երկրներ Ռուսաստանին Ուկրաինայի հետ սահմանին «դեէսկալացիայի» կոչ են արել

Հինգ երկրների ղեկավարներ Ռուսաստանին Ուկրաինայի հետ սահմանին «դեէսկալացիայի» կոչ են արել։ Այս մասին հայտնում է Говорит Москва-ն` նշելով, որ կոչով հանդես են եկել

ԱՄՆ-ը, Մեծ Բրիտանիան, Ֆրանսիան, Գերմանիան և Իտալիան։

Մեծ Բրիտանիայի վարչապետ Բորիս Ջոնսոնը համապատասխան հայտարարությունն արել է ամերիկացի առաջնորդ Ջո Բայդենի, Գերմանիայի կանցլերի պաշտոնակատար Անգելա Մերկելի, Ֆրանսիայի նախագահ Էմանուել Մակրոնի և Իտալիայի վարչապետ Մարիո Դրագիի հետ բանակցություններում։

Վերջերս Ուկրաինան և արևմտյան երկրները մտահոգություն են հայտնել այն փաստի առնչությամբ,  թե իբր Ռուսաստանը ուժեր է տեղակայում սահմանին։

Ինչպես նշել է ՌԴ նախագահի մամուլի քարտուղար Դմիտրի Պեսկովը` Մոսկվան զորքերը տեղափոխում է իր տարածքում և իր հայեցողությամբ։ Այն ոչ մեկին չի սպառնում և չպետք է անհանգստացնի որևէ մեկին: