Պուտինն ու Բայդենն առաջին անգամ կբանակցեն անվտանգ տեսակապով
Վլադիմիր Պուտինի և Ջո Բայդենի վաղվա բանակցություններն առաջին անգամ կանցկացվեն Ռուսաստանի և ԱՄՆ-ի միջև պաշտպանված տեսակապի միջոցով: Այս մասին ռուսական Առաջին ալիքին տված հարցազրույցում ասել է ՌԴ նախագահի մամուլի քարտուղար Դմիտրի Պեսկովը:
Նրա խոսքով՝ գիծը վաղուց գոյություն ունի, սակայն «առայժմ այն միայն աշխատանքային ռեժիմով է փորձարկվել»։ Դրա շնորհիվ երկու երկրների նախագահները կկարողանան «խոսել ամենակարևոր թեմաների շուրջ, որոնք պահանջում են գաղտնիության բարձր մակարդակ»:
