«Ձեզ պատճառ է պետք Ռուսաստանին հոշոտելու համար». Լուկաշենկոն` Արևմուտքին
Բելառուսի նախագահ Ալեքսանդր Լուկաշենկոն հայտարարել է, որ ՆԱՏՕ-ի ծրագրերը տարածաշրջանում անընդունելի են ոչ միայն Ռուսաստանի, այլև Բելառուսի համար: Այս մասին գրում է «ՌԻԱ ՆՈՎՈՍՏԻ» գործակալությունը, վկայակոչելով Sputnik Belarus-ը։
Բելառուսական պետության ղեկավարն ուշադրություն է հրավիրել այն փաստի վրա, որ Արևմուտքն այժմ պիտակավորել է Ռուսաստանին, թե վերջինս իբր հարձակում է ծրագրում Ուկրաինայի վրա։
«Ձեզ պատճառ է պետք Ռուսաստանին հոշոտելու համար: Դուք այդ երկրին արդեն պիտակավորել եք։ Թեև Ռուսաստանում ոչ ոք չի պատրաստվում հարձակվել Ուկրաինայի վրա: Ռուսաստանը հիանալի տեսնում է, թե ինչ է կատարվում Ուկրաինայում», - ասել է Լուկաշենկոն:
