ԼՈՒՍԱՆԿԱՐՆԵՐ. Իսպանիայի հյուսիսը հեղեղվել է. եղանակի տհաճ անակնկալները
Եղանակն այս տարի մեկը մյուսի հետևից տհաճ անակնկալներ է մատուցել Իսպանիային։
Կանարյան կղզիներում մի քանի ամիս շարունակ ժայթքող հրաբխին գումարվել են երկրի կենտրոնական և հյուսիսային շրջանների ջրհեղեղները։ Անցած շաբաթ Բասկերի երկրում, Կանտաբրիայում և Կաստիլիայում տեղացած առատ ձյունը հանգեցրել է այս շրջաններում ջրհեղեղների:
Ալավայի տարածքում իսկական ձմեռ է, փողոցները ձյունով են ծածկվել:
Բասկերի երկրում առնվազն երեք գետ դուրս է եկել ափերից և հեղեղել քաղաքները։ Տարածաշրջանի մայրաքաղաք Բիլբաոյում փողոցների մի մասը հեղեղված է։
