Ալիևն ու Էրդողանը «Զանգեզուրի միջանցքի» հիմքն են դրել

Ադրբեջանի նախագահ Իլհամ Ալիևը և Թուրքիայի նախագահ Ռեջեփ Թայիփ Էրդողանը Հորադիզ-Ջրական-Կովսական-Աղբենդ ավտոմոբիլային ճանապարհի հիմքն են դրել: Ադրբեջանական ԶԼՄ-ների հաղորդմամբ այս ճանապարհահատվածն ունի Զանգեզուրի միջանցք անունը։ 

Ադրբեջանի ավտոմոբիլային ճանապարհների պետական գործակալության վարչության նախագահ Սալեհ Մամեդովը պետությունների ղեկավարներին տեղեկացրել է կատարված աշխատանքների մասին:

Ալիևն ու Էրդողանը ծանոթացել են Ահմեդբեյլի - Վարանդա – Շուշի ավտոմոբիլային ճանապարհի շինարարական աշխատանքների ընթացքին: