Վենեսուելայի օդանավակայանը վճարներ կընդունի կրիպտոարժույթով

Վենեսուելայի Սիմոն Բոլիվարի անվան Մայկեթիայի միջազգային օդանավակայանը կընդունի DASH, BTC և պետական ​​Petro կրիպտոարժույթները ՝ ավիատոմսերի վճարման համար:

Ըստ տեղական ԶԼՄ-ների հաղորդագրությունների՝ նոր փոփոխությունը կհամապատասխանի Կրիպտոակտիվների և հարակից գործառնությունների գրասենյակի պահանջներին:
 

Օդանավակայանի տնօրեն Ֆրեդի Բորխեսն ընդգծել է, որ հաստատությունն արդեն իսկ սկսել է հարմարեցնել իր վճարային համակարգը, և մոտ ապագայում հաճախորդները կկարողանան ավիատոմսերի և օդանավակայանի այլ ծառայությունների համար վճարել կրիպտոարժույթով: 

Մայկեթիայի միջազգային օդանավակայանը երկրի ամենակարևոր օդանավակայաններից է, ուստի Բորխեսը կարևորել է համակարգում նորագույն գործիքների ներդրումը: