Ֆրանսիան կարող է ճանաչել Լեռնային Ղարաբաղը․ Փարիզի քաղաքապետ
Փարիզի քաղաքապետ Անն Իդալգոն, որը նաև իր թեկնածությունն է առաջադրել 2022թ․-ին Ֆրանսիայի նախագահական ընտրություններում, թվիթերյան իր էջում հայտարարել է, որ Ֆրանսիան կարող է ճանաչել Լեռնային Ղարաբաղի Հանրապետությունը։
«Լիովին համաձայն եմ Բեռնար Անրի Լևիի հետ․ Ֆրանսիան կարող է ճանաչել Լեռնային Ղարաբաղի Հանրապետությունը», – գրել է Իդալգոն՝ կիսվելով Le Point-ում ֆրանսիացի փիլիսոփայի համանուն հոդվածով, որում ասում է, որ «մեր երկիրը պետք է համարձակություն գտնի՝ աջակցելու հարձակման ենթարկված փոքրամասնությանը»։ Նա քաղաքական և բարոյական հրամայական է համարում ԼՂ հարցում Հայաստանին սատարելը։
