Ադրբեջանական կողմի պահանջով Արցախում նկարահանված հայկական ֆիլմը հեռացվել է փառատոնից
Հերթական հայկական ֆիլմն արտասահմանյան փառատոնում խտրականության է ենթարկվում։ ԱՊՀ երկրների «Եվրասիա. DOC-2021» Евразия.DOC» վավերագրական ֆիլմերի 6-րդ փառատոնի շրջանակներում Մինսկի «Բելառուս» կինոթատրոնում հոկտեմբերի 1-ին պետք է ցուցադրվեր ռեժիսոր Արմեն Խաչատրյանի «Անավարտ հիշողություններ» վավերագրական ֆիլմը (համատեղ արտադրություն՝ Փաստավավերագրական ֆիլմերի «Հայկ» կինոստուդիա/Hayk Documentary Film Studio եւ Margins Media Production Company)։ Այս մասին գրում է hraparak.am-ը։
Ֆիլմը պատմում է հայկական բանակում ծառայող խիզախ կանանց մասին, նկարահանումների մի մասն իրականացվել է Արցախում։
Սեպտեմբերի 25-ին, սակայն, այն հանվեց փառատոնի ծրագրից ադրբեջանցիների սպառնալիքների պատճառով, իսկ փառատոնի տնօրինությունը ոչինչ չի կարողանում ձեռնարկել ստեղծված իրավիճակը շտկելու համար։
