Հայաստանում կորոնավիրուսի դեմ «Սպուտնիկ Լայթ» պատվաստանյութ կարտադրվի․ փոխվարչապետ
Հայաստանում կորոնավիրուսի դեմ «Սպուտնիկ Լայթ» պատվաստանյութ կարտադրվի: Այս մասին հայտնեց Երևանում ՀՀ փոխվարչապետ Մհեր Գրիգորյանը ՝անցկացվող «Հայ-ռուսական տնտեսական համագործակցություն Հեռանկարային նախագծեր» խորագրով ֆորումի շրջանակներում։
«Ռուսական ուղղակի ներդրումների հիմնադրամի միջոցով ձեռք է բերվել «Sputnik V» պատվաստանյութի մի քանի խմբաքանակ, նաև կազմակերպվել է տեխնոլոգիական փոխանցման գործընթաց Հայաստանում «Սպուտնիկ Լայթ» պատվաստանյութի արտադրության համար»,-ասաց Գրիգորյանը:
