Ադրբեջանցիներն ամեն ինչ անում են աշխարհին ցույց տալու, որ հայ ժողովուրդ գոյություն չունի․ չկա ոչ հայկական պատմություն, ոչ մշակույթ
Ադրբեջանցիներն ամեն ինչ անում են աշխարհին ցույց տալու, որ հայ ժողովուրդ գոյություն չունի․ չկա ոչ հայկական պատմություն, ոչ մշակույթ։ Մոսկվայի հիմնադրման 874-ամյակին նվիրված, Ռուսաստանի մայրաքաղաքում, ВДНХ-ում, երեկ եւ այսօր, Ադրբեջանին նվիրված տաղավարում կազմակերպվել է «Մոսկվա-Բաքու» միջոցառումը։ Միջոցառումը տեղափոխվել է նաեւ դուրս, որտեղ հայկական երաժշտության տակ պարում են ադրբեջանցիները։ Ավրորանյուզի Մոսկվայի աղբյուրները հայտնում են, որ ադրբեջանական կողմը բավական ակտիվ է աշխատում։ Ինչու հայկական կողմը, տաղավարը չի աշխատում ակտիվ, որպեսզի Հայաստանը լավագույնս ներկայացված լինի, դժվարացան պատասխանել, միայն ցավով ասացին, որ այն ներկա պահին չի կարող որեւէ հակազդող դեր կատարել նման դեպքերում։
