Պուտինի և Ջո Բայդենի մասնակցությամբ գագաթնաժողով է նախատեսվում. ԶԼՄ-ներ
Ռուսաստանն ու ԱՄՆ-ն բանակցությունների մեջ են` կապված Վլադիմիր Պուտինի և Ջո Բայդենի մասնակցությամբ գագաթնաժողովի հետ: Այս մասին գրում է Страна.ua պարբերականը՝ հղում անելով ամերիկյան դիվանագիտական աղբյուրներին:
«Նախագահի հանդիպումը, հավանաբար, տեղի կունենա հոկտեմբեր ամսին»,- գրում է լրատվականի թելեգրամյան ալիքը:
Ակնկալվում է, որ կողմերը կքննարկեն ռազմավարական կայունությունը, սպառազինության վերահսկողությունը, կիբեռանվտանգությանն առնչվող խնդիրները, ինչպես նաև Ուկրաինայում, Աֆղանստանում, Կենտրոնական Ասիայում և Մերձավոր Արևելքում տիրող իրավիճակը:
