Արայիկ Հարությունյանը Պաշտպանության բանակի հրամանատարի հրաժարականի դիմում չի ստորագրել

Արցախի Հանրապետության նախագահ Արայիկ Հարությունյանը Պաշտպանության բանակի հրամանատար Միքայել Արզումանյանի հրաժարականի դիմում չի ստորագրել: Այդ մասին «Արմենպրես»-ի հետ զրույցում նշել է ԱՀ նախագահի մամուլի քարտուղար Լուսինե Ավանեսյանը: Մամուլում լուրեր են շրջանառվում, ըստ որոնց՝ Արցախի Պաշտպանության բանակի հրամանատար Միքայել Արզումանյանը պաշտոնից ազատման դիմում է գրել և նրան փոխարինելու է ՊԲ շտաբի պետ Կամո Վարդանյանը: