Պուտինն ու Շոյգուն հանգստանում են Սիբիրում
Ռուսաստանի նախագահ Վլադիմիր Պուտինը մի քանի օրով կանգ է առել Սիբիրում ՝ հանգստանալու նպատակով: Այս մասին հայտնեց Դմիտրի Պեսկովը` լրագրողների հետ զրույցում: Արձակուրդում Պուտինին ուղեկցում է պաշտպանության նախարար Սերգեյ Շոյգուն: Հիշեցնենք, որ Պուտինն ու Շոյգուն սույն տարվա մեջ երկրորդ անգամ են համատեղ հանգիստ անցկացնում Սիբիրում:
«Նա իսկապես այնտեղ է Շոյգուի հետ: Տեղը չեմ նշի: Սովորական հանգիստ են անցկացնելու` տայգա է, լեռներ, զբոսանքներ, մաքուր օդ և այլն », - ասել է Պեսկովը:
Մամուլի խոսնակը խոստացավ հրապարակել լուսանկարներ նախագահի արձակուրդից, երբ դրանք հայտնվեն: Պուտինը Մոսկվա կվերադառնա մինչև սեպտեմբերի 8 -ի երեկոյան, քանի որ սեպտեմբերի 9 -ին աշխատանքային հագեցած օր է սպասվում, ըստ Պեսկովի:
