«Սովետական միլիցիայի մումիան վերադառնում է ոստիկանություն»․ Միքայել Նահապետյան
«Քաղաքացու որոշում» ՍԴԿ անդամ Միքայել Նահապետյանը ֆեյսբուքյան իր էջում գրել է․ «Սովետական միլիցիայի մումիան վերադառնում է Ոստիկանություն։
Արդեն մի քանի ամիս շարունակ տարբեր շրջանակներից՝ քաղաքականից մինչև քրեական, աշխատավորներից մինչև իրավաբաններ, բիզնեսից մինչև պատանիներ, պարբերաբար լսում եմ պատմություններ ոստիկանությունում ծեծի ու նվաստացման դեպքերի մասին։
Նման համակարգային դրսևորումները առանց ուղղակի հրահանգի կամ աչք փակելու այդպես մասսայաբար վերադառնալ չէին կարող։
Սա ևս մի ապացույց է այն փաստի, որ երբ ավտորիտարիզմի փտած խոռոչները դատարկելուց հետո չես լցնում բովանդակային ժողովրդավարությամբ՝ ավտորիտարիզմի թարախը նորից սահուն լցվում է այդ խոռոչների մեջ»։
