ՄԱԿ-ը հույս ունի շուտով մուտք գործել Քաբուլի օդանավակայան

Քաբուլի օդանավակայան մուտքի ապահովումը թույլ կտա ՄԱԿ-ին անձնակազմի ռոտացիա իրականացնել եւ Աֆղանստանի բնակչության համար անհրաժեշտ բեռներ հասցնել: Այս մասին ՏԱՍՍ-ի փոխանցմամբ՝ այսօր ճեպազրույցի ժամանակ հայտարարել է համաշխարհային կազմակերպության գլխավոր քարտուղարի պաշտոնական ներկայացուցիչ Ստեֆան Դյուժարիկը։

«Օդանավակայանը մեզ համար չի գործում։ Իհարկե, մենք մեծ հույս ունենք, որ այն շուտով կվերսկսի աշխատանքը», - ասել է նա: «Աֆղանստանի տարածքում օդանավակայանների հասանելիությունը շատ կարեւոր է՝ հաշվի առնելով տեղաշարժի դժվարությունները»:

«Իհարկե, Քաբուլի օդանավակայանը մեզ համար մեծ կարեւորություն է ներկայացնում՝ անձնակազմի ռոտացիայի ապահովման եւ բեռների առաքման առումով», - նշել է Դյուժարիկը: