ՏԵՍԱՆՅՈՒԹ․ ԱՆ նախարարը Սյունիքի վերաբերյալ հարցերին չպատասխանեց

Արդարադատության նախարար Կարեն Անդրեասյանն այսօր՝ օգոստոսի 27-ին, իրավաբանական արձագանք չտվեց լրագրողի այն հարցին, թե ադրբեջանական ԶՈՒ-ի կողմից Կապան-Գորիս միջպետական ավտոճանապարհի փակած հատվածները Հայաստանի տարա՞ծքն են, թե՞ ինչպես պնդում են ադրբեջանցիները՝ ադրբեջանական:

«Հարցի հասցեատերը ԱԳՆ-ն ու ռազմական գերատեսչություններն են։ Բայց վարչապետը բազմիցս նշել է դեմարկացիայի ու դելիմիտացիայի անհրաժեշտության մասին։ Առանց սահմանազատման խնդիրների լուծման, իրավաբանական արձագանք Ձեր հարցին տալ այսօր տեղին չի լինի, և ես չեմ կարող արձագանքել»,– ասաց նախարարը՝ չցանկանալով հարցի շուրջ ավելին ասել, պատճառաբանելով, որ այն իր տիրույթում չէ։