Կառավարությունը 16,9 միլիոն դրամ կվճարի Ալվինա Գյուլումյանին
Այսօր կառավարությունը չզեկուցվող հարցերի շարքում ընդունեց որոշում, որի համաձայն, պահուստային ֆոնդից 16,9 միլիոն դրամ կտրամադրի չվճարված հավելավճարի դիմաց ՍԴ նախկին դատավոր Ալվինա Գյուլումյանին փոխհատուցում տալու համար։
Հիշեցնենք, որ Ալվինա Գյուլումյանը դիմել էր դատարան և ՀՀ վճռաբեկ դատարանը բավարարել է ՍԴ նախկին դատավորի վճռաբեկ բողոքը և պարտավորեցել ՍԴ աշխատակազմի ղեկավարին` Ալվինա Գյուլումյանին 09.04.2018 թվականից մինչև 26.06.2020 թվականն ընկած ժամանակահատվածի համար լրացուցիչ վճարել հավելավճար՝ ամսական 601 հազար դրամի չափով` ընդհանուր 16.9 մլն դրամ:
