Այս պահին ինչ իրավիճակ է Երասխում. Երասխի բնակիչը մանրամասնում է

ՀՀ ՊՆ-ն երեկ հաղորդագրություն տարածեց այն մասին, որ ադրբեջանական ստորաբաժանումները կրկին կրակ են բացել հայկական դիրքերի ուղղությամբ։ Հերթական սադրանքը այս անգամ ևս Երասխի ուղղությամբ էր։

ArmDaily.am-ի հետ զրույցում Երասխի բնակչուհի Կարինե Իշխանյանը փոխանցել է, որ ադրբեջանցիները կրակը դադարեցրել են դեռևս երեկ երեկոյան 18.00-19.00-ի կողմերը։ «Այս պահին կրակոցներ չկան, իրավիճակը հանդարտ է: Երեկ երեկոյան 18․00-ից 19․00-ի կողմերը կրակը դադարեցրին։ Գյուղի ուղղությամբ չեն կրակել»,-տեղեկացրել է Երասխի բնակչուհին։