Ի՞նչ պատվաստանյութով են պատվաստվել Նիկոլ Փաշինյանն ու Աննա Հակոբյանը

Այսօր ԱԺ-ում անկախ պատգամավոր Թագուհի Թովմասյանը հետաքրքրվեց վարչապետի պաշտոնակատար Փաշինյանից, թե ո՞ր պատվաստանյութով է պատվաստվել։

Ի պատասխան՝ Փաշինյանը հայտարարեց, որ չի ասի պատվաստանյութի անունը։

Auroranews-ը ուսումնասիրելով Նիկոլ Փաշինյանի և Աննա Հակոբյանի պատվաստման կադրերը՝ եզրակացրեց, որ վարչապետը պատվաստվել է «Спутник V» պատվաստանյութով:

Փաշինյանի հրապարակած տեսանյութում  տեսնում ենք, որ պատվաստանյութի տարան ունի նույն տեսքը՝ ինչ «Спутник V»-ի տարան: 
Լուսանկարում արված նշում 1-ում երևում է, որ երկու տարաների դեպքում էլ առկա են սև շտրիխկոդեր, իսկ նշում 2-ում՝ կապույտ գույնով մակնշումը:
[9911a692e508e2b0387381855a136d8e.jpg]

Համեմատության համար նշենք, որ, ըստ բաց աղբյուրներում առկա լուսանկարների, «AstraZeneca» պատվաստանյութերն ունեն այս տեսքը:

[7b97b44162147df17442f9ea52df1515.jpg]

Սաթեն Եղիազարյան