Դուք 99 թվից այստեղ եք ու մինչև հիմա հայերեն չե՞ք սովորել. Քոչարյանը Արթիկի բնակչուհուն
Այսօր Արթիկում «Հայաստան» դաշինքի քարոզարշավի ժամանակ Արթիկի մի բնակչուհի ռուսերենով հարց ուղղեց ՀՀ երկրորդ նախագահ Ռոբերտ Քոչարյանին:
Կնոջ հարցը վերաբերում էր նրան, որ իրենք փախստական են, 99 թվականին այստեղ բնակարան են ստացել, բայց մինչև հիմա փախստականներին տրված այդ բնակարանները չեն սեփականաշնորհել:
Քոչարյանը նախ զարմացավ տիկնոջ` ռուսերեն խոսելու վրա և կատակեց. «Դուք 99 թվից այստեղ եք ու մինչև հիմա հայերեն չե՞ք սովորել»:
Տիկինն ասաց, թե ավելի վաղ են եկել Արթիկ, բայց չի հասցրել հայերեն սովորել:
Քոչարյանն էլ շարունակեց կատակել, թե «երբ հայերեն սովորի, սեփականաշնորհման հարցը կլուծվի»:
Ապա ավելի լուրջ պատասխանեց, որ դա տեխնիկական հարց է և շատ հեշտ լուծվող:
