Վերջ, հունիսի 20-ին կրկեսը փակվում է, ծաղրածուները փախնում են. Վահե Հակոբյանը՝ գործող իշխանություններին
Հունիսի 20-ին կրկեսը փակվում է, ծաղրածուներն ու աճպարարները փախնում են։ Աշտարակում քաղաքացիների հետ հանդիպման ժամանակ ասյկերպ իր խոսքը սկսեց Սյունիքի նախկին մարզպետ, «Հայաստան» դաշինքի անդամ Վահե Հակոբյանը։
«Հետո ում որ պետք է կբերենք ու կկանգնեցնենք արդարադատության առջև։ Սուտ, կեղծիք, զրպարտություն, սպառնալիք, պոպուլիզմ։ Սա է Նիկոլ Փաշինյանի բաղադրատոմսը, ինչը մատուցում է երեք տարի հայրենակիցներին։ Երեք տարի առաջ ասում էր՝ ելք կա, եկավ ելքերը փակեց, փլեց տնտեսությունը, տանուլ տվեց կորոնավիրուսի դեմ պայքարը, դրդեց պատերազմի և խայտառակ պարտություն կրեց։ Հիմա էլ ասում է՝ ապագա կա՞։ Իհարկե ապագա կա, հարցը՝ ինչպիսի՞ն է այդ ապագան լինելու ու առանց ու՞մ։ Այո՛, առանց նրա ունենք փայլուն ապագա»,-նշեց Վահե Հակոբյանը։
Վերջինս ընդգծեց, որ իրենք միջազգային հարթակներում կվերականգնեն Հայաստանի հեղինակությունը։
