«Տարօրինակ վարքագիծ եմ նկատում Երևանի ասֆալտապատման մեջ»․ Հովսեփ Խուրշուդյան
«Ազատ քաղաքացի» քաղաքացիական նախաձեռնությունների աջակցման կենտրոնի ղեկավար Հովսեփ Խուրշուդյանը ֆեյսբուքյան իր էջում գրել է. «Կասկածներ ունեի, որ Ռուսաստանը նախընտրական շրջանում Հայաստանում իրավիճակն ապակայունացնելու և անիշխանության մթնոլորտ ստեղծելու ու դրանով իր կամակատարներին աջակցելու նպատակով օգտագործելու է ոչ միայն ադրբեջանական սադրանքներ հրահրել-հովանավորելը, այլ նաևՀայաստանի ներսում իր գործակալների և ազդեցության գործակալների ցանցերը, իր օլիգարխներին պատկանող բիզնեսները։
Արդեն մի քանի շաբաթ է՝ տարօրինակ վարքագիծ եմ նկատում Երևանի ասֆալտապատման մեջ։ Նորմալ փողոցները քանդում, նորից ասֆալտապատում են, իսկ այնտեղ, որտեղ իրոք վերանորոգման, կամ գոնե փոսերը լցնելու կարիք կա, ասֆալտապատողները շաբաթներով չեն էլ մոտենում, ինչն առաջացնում է հազարավոր վարորդների և ուղևորների հիմնավոր դժգոհությունը։
Այսօր երկրորդ անգամ է՝ մեր թաղամասը հոսանքազրկեցին։ Ընդ որում, 2-րդ անգամ՝ Հ1-ի լուրերի ժամանակ՝ 21:00-ն անց։ Չհիշեցնեմ, թե ում են պատկանում հայկական ԲԷՑ-երը։
Պատահականություննե՞ր են»։
