ՏԵՍԱՆՅՈՒԹ. Ադրբեջանական կողմը վերապահումների դիմաց պարտավորվել է իր զորքի մի մասը հետ տանել. Վահե Հակոբյան
Ինչպես արդեն հայտնել էինք Սև լիճ կոչվող տարածքում ադրբեջանցիները մի քանի կիլոմետր առաջ են եկել և հրաժարվում են հետ գնալ։ Հայկական կողմը ռուս խաղաղապահների հետ բանակցություններ են վարում ադրբեջանցիներին ելման դիրքեր վերադարձնելու համար։
Auroranews-ի զրույցում Սյունիքի նախկին մարզպետ Վահե Հակոբյանը` ներկայացնելով Սյունիքում այս պահին ստեղծված իրավիճակը ասաց, որ հակառակորդի հետ բանակցությունները ավարտման փուլում են:
«Ադրբեջանական կողմը վերապահումների դիմաց պարտավորվել է իր զորքի մի մասը հետ տանել, որոնք տեղակայել են ՀՀ տարածքում, սակայն այստեղ լրջագույն հարցեր առաջացնում են այդ վերապահումները և անհասկանալի է, թե ինչի դիմաց:
Երրորդ օրն է արդեն վերցրել են մեր տարածքները, ինչքան հասկանում եմ մեր տարածքները առևտրի առարկա են սարքում ` մնացած տարածքներում դիրքեր ունենալու համար»,-ասաց Հակոբյանը:
