Ինչո՞ւ է Արա Այվազյանը Կառավարության նիստի ընթացքում դուրս եկել․ ԱԳն-ն պարզաբանում է
Կառավարության այսօրվա հերթական նիստի ընթացքում լրագրողների ուշադրությունը գրավեց այն հանգամանքը, որ Արտաքին գործերի նախարարի պաշտոնակատար Արա Այվազյանը նիստի ընթացքում լքեց դահլիճը։
Auroranews-ը կապ հաստատեց Արտաքին գործերի նախարարության մամուլի խոսնակ Աննա Նաղդալյանի հետ, ով մեզ հետ զրույցում հայտնեց, որ Արա Այվազյանը նիստը լքել էր, քանի որ ուներ նախորոք պլանավորած հեռախոսազանգ՝ գործընկերների հետ։
Հիշեցնենք, որ լրագրողները փորձել էին հարցեր ուղղել նախարարի պաշտոնակատարին, սակայն նա որևէ հարցի չպատասխանելով լքել էր կառավարության շենքը:
