Հայ կնոջ դանակահարության դեպքը այս պահին որևէ պաշտոնական աղբյուր չի հաստատել. Նիդերլանդներում ՀՀ դեսպանություն

Տարբեր լրատվականների կողմից և սոցիալական հարթակներում տարածվող  տեղեկատվությունը Նիդերլանդներում հայ կնոջ դանակահարության դեպքի վերաբերյալ այս պահին որևէ  պաշտոնական աղբյուր չի հաստատել։ Այս մասին հայտնում է Նիդերլանդներում ՀՀ դեսպանությունը:
 

«Լուսանկարում պատկերված կինը, որը տեղադրվել է այդ նյութի ներքո, ողջ և առողջ է և առնչություն չունի ենթադրյալ դեպքի հետ։
 

Դեսպանությունը կապի մեջ է Նիդերլանդների իրավապահ մարմինների հետ՝ տեղեկատվության իսկությունը պարզելու նպատակով։ Խնդրում ենք զերծ մնալ այս հարցով հետագա  հրապարակումներից մինչև դեսպանության կողմից պաշտոնական տեղեկատվության հրապարակումը»,- ասված է դեսպանության տարածած հաղորդագրության մեջ:
 

Ավելի վաղ տեղեկություններ էին տարածվել այն մասին, որ Նիդեռլանդներում բնակվող իրավաբան Աննա Հակոբյանը հարձակման է ենթարկվել ադրբեջանցու կողմից: Սոցցանցերում տարածվում էր տեղադրված լուսանկարը։