Երևանում ծննդկան է մահացել
Երևանի ծննդատներից մեկում երեկ ծննդկան է մահացել: Առողջապահության նախարարությունը լուրը հաստատում է։
Մահացած ծննդկանը 30 տարեկան էր: Մահվան պատճառը հետծննդաբերական շրջանում առաջացած պրեէկլամպսիան է (հղիության ախտաբանություններից է, որը բնութագրվում է զարկերակային գերճնշումով և հաճախ մեզում սպիտակուցի զգալի քանակությամբ):
Կինը երեխային լույս աշխարհ է բերել կեսարյան հատման միջոցով: Երեխան լույս աշխարհ է եկել 36 շաբաթականում: Նա առողջական որևէ խնդիր չունի: Ծնողների երկրորդ երեխան է:
