Ռուս խաղաղապահներն Արցախի հեռավոր բնակավայրերի բժիշկներին բուժօգնության պարագաներ են տվել
Լեռնային Ղարաբաղում ռուսական խաղաղապահ զորակազմի մարդասիրական արձագանքման կենտրոնի սպաները նախօրեին մարդասիրական օգնության հերթական առաքումն են իրականացրել հեռավոր բնակավայրեր, հայտնում է ՌԴ ՊՆ-ն։
Ըստ գերատեսչության՝ ռուս խաղաղապահները «Ռուսական մարդասիրական առաքելություն» բարեգործական կազմակերպության անունից բժշկական սարքավորումների շարք են նվիրել Շոշ և Պառավաթումբ գյուղերի մանկաբարձական և պարամեդիկ կենտրոններին:
«Տեղացիներն ուրախ են մեր յուրաքանչյուր այցի համար, նրանք ուրախ են առաքված բժշկական սարքավորումների համար: Այս սարքավորումները բժշկական օգնությունն ավելի մատչելի կդարձնեն Լեռնային Ղարաբաղի յուրաքանչյուր բնակչի համար», - ասել է Մարդասիրական արձագանքման կենտրոնի սպա Ալեքսեյ Օրլովը:
ՌԴ ՊՆ-ն նաև հայտնում է, որ ընդհանուր առմամբ վերջին 2 շաբաթվա ընթացքում շուրջ 50 բժշկական սարքավորում է հանձնվել Լեռնային Ղարաբաղի բժիշկներին: 33 հավաքածու էլ հանձնվել է Մարտակերտ քաղաքի շրջանային հիվանդանոցին հետագա բաշխման համար:
