«Երբեմն ջուրն այնքան է լինում, որ ծածկում է ամբողջ մայթը»․ Սիլիկյան թաղամասում դիտահորից ջուրը լցվում է խանութ
Մոտ ինը տարի է Երևանի Սիլիկյան թաղամասի հինգերորդ և վեցերորդ փողոցների միջև ընկած հատվածում կոյուղու ջուրը դիտահորից լցվում է փողոց։
Կնոջ խոսքով՝ ժամանակին այս խնդիրը փորձել է լուծել իր ամուսինը, որը սակայն զոհվեց 44-օրյա պատերազմում։
«Ամիսը մի քանի անգամ այսպես է լինում։ «Վեոլիա ջուրը» մաքրում է, աղբը կուտակում է այստեղ ու գնում է»,- NEWS.am-ի հետ զրույցում ներկայացրեց բնակչուհի Գայանե Գևորգյանը։
Բնակչուհու կարծիքով՝ խնդիրը խողովակներն են, փոքր չափերի պատճառով չի կարղանում ջուրը պահել․ «Երբեմն ջուրն այնքան շատ է լինում, որ լցվում է խանութ, ծածկում է ամբողջ մայթը, ու մարդիկ չեն կարողանում քայլել։ Շոգ եղանակներին հատկապես սարսափելի հոտ է գալիս»։
Բնակչուհու խոսքով՝ իրենք դիմել են նաև թաղապետարանին և քաղաքապետարանին, սակայն ապարդյուն։
