ԱՄՆ-ում ՌԴ դեսպանը ժամանել է Մոսկվա՝ խորհրդակցությունների
ԱՄՆ-ում Ռուսաստանի դեսպան Անատոլի Անտոնովը այսօր ժամանել է Մոսկվա` ռուս-ամերիկյան հարաբերությունների վերաբերյալ խորհրդակցությունների: Այս մասին հայտնում է Известия-ն:
Դիվանագետի ինքնաթիռը վայրէջք է կատարել «Շերեմետևո» օդանավակայանում` Մոսկվայի ժամանակով մոտավորապես 11:00-ին: Նշվում է, որ ինքնաթիռը իրականացրել է Նյու Յորք-Մոսկվա թռիչք, քանի որ կորոնավիրուսի համավարակի պատճառով ներկայումս Վաշինգտոն-Մոսկվա ուղիղ ավիահաղորդակցություն չկա:
ԱՄՆ-ում Ռուսաստանի դեսպանը հայտնել է, որ չգիտի, թե որքան է մնալու Մոսկվայում, բայց պատրաստ է մայրաքաղաքում լինել այնքան, որքան անհրաժեշտ լինի:
