Էրդողանն ազատել է Թուրքիայի Կենտրոնական բանկի ղեկավարին
Թուրքիայի նախագահ Ռեջեփ Թայիփ Էրդողանն այսօր՝ տոկոսադրույքների կտրուկ բարձրացումից հետո 2 օր անց անսպասելիորեն ազատել է Թուրքիայի Կենտրոնական բանկի ղեկավարին՝ ինֆլյացիան զսպելու համար, նրան փոխարինելով իշխող կուսակցության նախկին օրենսդիրով եւ խիստ դրամավարկային քաղաքականությունը քննադատողով, հայտնում է Reuters-ը:
Սա 2019 թվականի կեսից երրորդ դեպքն է, երբ Էրդողանը, որը բազմիցս ցածր տոկոսադրույքների կոչ է արել, հանում է ԿԲ ղեկավարին: Վերլուծաբանները կանխատեսել էին, որ լիրան կփլուզվի, երբ շուկաները նորից բացվեն, քանի որ բանկի հանդեպ վստահությունը կրկին վատթարացել է:
Նաչի Աղբալը, որը նշանակվել էր գրեթե 5 ամիս առաջ, արժանացել էր շուկայի գովասանքին՝ տոկոսադրույքն ագրեսիվորեն բարձրացնելով 875 բազային կետով՝ մինչեւ 19 տոկոսով, ինչը բոլոր խոշոր տնտեսությունների շարքում ամենաբարձր ցուցանիշն է:
Նրան անսպասելիորեն ազատել են այն բանից հետո, երբ բանկը հինգշաբթի տոկոսադրույքները բարձրացրել է ավելի քան 200 կետով:
Երկրի պաշտոնական թերթը հայտարարել է, որ Էրդողանը նրան փոխարինել է «Արդարություն եւ զարգացում» իշխող կուսակցությունից ընտրված խորհրդարանի նախկին պատգամավոր Սաափ Քավչիօղլուով:
Դրամավարկային անկախություն չունենալը խորացրել է բուռն աճը եւ Թուրքիայի ռեկորդային դոլարայնացումը, ինչպես նաեւ օգնել է վերջին 4 տարիների մեծ ժամանակահատվածում ինֆլյացիան զսպել երկնիշ ցուցանիշով, ասում են տնտեսագետները: Լիրան 2018 թվականից սկսած կորցրել է իր արժեքի կեսը:
