Շարունակվում է Քոչարյանի և մյուսների գործով դատավարությունը
Երևան քաղաքի Շենգավիթ վարչական շրջանի ընդհանուր իրավասության դատարանում շարունակվում է դատավարությունը Հայաստանի երկրորդ նախագահ Ռոբերտ Քոչարյանի եւ մյուսների գործով:
Նախորդ նիստին Յուրի Խաչատուրովի փաստաբան Միհրան Պողոսյանը միջնորդություն ներկայացրեց պաշտպանյալի նկատմամբ խափանման միջոցը վերացնելու մասին: Երկու օր մտածելուց հետո դատավոր Աննա Դանիբեկյանը մերժեց միջնորդությունը:
Ավելի վաղ միջնորդություններ էին ներկայացվել դատախազներին եւ հենց դատավորին բացարկ հայտնելու մասին: Նույն ճակատագրին արժանացան նաեւ դրանք:
