Պարագվայի օդուժի ինքնաթիռը վթարի է ենթարկվել երեքշաբթի օրը՝ երկրի մայրաքաղաքի միջազգային օդանավակայանում: Ինչպես փոխանցում է ՏԱՍՍ-ը, հրշեջ ծառայության տվյալներով՝ վթարի զոհ է դարձել յոթ մարդ, մեկ ուղևոր ողջ է մնացել:

«Մեկ մարդ գտնվում է շատ ծանր վիճակում: Նա հոսպիտալացվել է: Մնացած յոթի մահը հաստատված է», - հրշեջ ծառայության ղեկավար Ռուբեն Վալդեսի խոսքերը մեջբերում է ABC Color թերթը:

Պարագվայի ռազմաօդային ուժերը հետաքննություն են սկսել։