ԱՄՆ-ում կինը 5 օր անցկացրել է ձյունապատ մեքենայում և ողջ մնացել
Ամերիկյան Նյու-Ջերսի նահանգում Ժանետ Վուդ անունով 77-ամյա կինը 5 օր է անցկացրել ձյունով ծածկված ավտոմեքենայի մեջ: Այս մասին հայտնել է Fox 5 հեռուստաալիքը:
Ձյան «գերությունից» նրան ազատել են հրշեջները: Բժշկական օգնության կարիք չի զգացել:
Նշվում է, որ կինը տուն չունի, դրա համար ապրում է իր միկրոմեքենայում:
Մեքենան ամբողջովին ձյունից դուրս բերելուց հետո Վուդը մտադիր է գնալ անշարժ գույքի գործակալություն և իր համար բնակարան գտնել:
