Քաղաքականություն

ԱԺ-ն առաջին ընթերցմամբ ընդունեց հակակոռուպցիոն կոմիտե ստեղծելու մասին նախագիծը

ԱԺ-ն առաջին ընթերցմամբ ընդունեց հակակոռուպցիոն կոմիտե ստեղծելու մասին նախագիծը
Ազգային ժողովը առաջին ընթերցմամբ ընդունեց կառավարության կողմից ներկայացված հակակոռուպցիոն կոմիտեի և կից ներկայացված օրենքների փաթեթը: Նախագիծն ընդունվեց ձայների 84 կողմ, 16 դեմ և 4 ձեռնպահ…

Ազգային ժողովը առաջին ընթերցմամբ ընդունեց կառավարության կողմից ներկայացված հակակոռուպցիոն կոմիտեի և կից ներկայացված օրենքների փաթեթը: Նախագիծն ընդունվեց ձայների 84 կողմ, 16 դեմ և 4 ձեռնպահ հարաբերակցությամբ:

Նշենք, որ նախագծերի փաթեթով առաջարկվում է ստեղծել նոր քննչական մարմին՝ Հակակոռուպցիոն կոմիտե, որի հիմնական իրավասությունը լինելու է ՀՀ քրեական դատավարության օրենսգրքով իր ենթակայությանը վերապահված ենթադրյալ կոռուպցիոն հանցագործությունների միջդատական քրեական վարույթի կազմակերպումն ու իրականացումը:

Կոմիտեի մասնագիտական կազմը համալրվելու է համապատասխան մասնագիտական պատրաստում անցած կադրերի ներգրավման եղանակով: Ընդ որում` Կոռուպցիոն հանցագործությունների քննությամբ զբաղվող քննիչների հաստիքների և գործիքակազմի փոխանցումը չի կրելու մեխանիկական բնույթ: Հակակոռուպցիոն  կոմիտեի կազմում նշանակումները, այդ թվում՝ ղեկավար կազմի, կատարվելու են բաց մրցույթի արդյունքում:

Նախագծով սահմանված են նաև կոմիտեի գործունեության թափանցիկության և հաշվետվողականությանն ուղղված կարգավորումներ:

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7692) Միջազգային (3421) ԱՄՆ (2315) Ռուսաստան (2141) Իրան (1754) Ընտրություններ (1275) Ուկրաինա (843) Երևան (808) Իսրայել (761) Ադրբեջան (646) Փաշինյան (568) Եվրոպա (515) Ազգային ժողով (457) Ընդդիմություն (453) Թրամփ (436)

Radio Aurora

Լսել Radio Aurora

Գովազդային տարածք

300x250