Ես ուրախ կլինեմ, որ ԲՀԿ-ն և ԼՀԿ-ն ևս ինձ առաջադրեն. Գագիկ Ջհանգիրյան
Ես համաձայնել եմ «Իմ քայլը» խմբակցության կողմից առաջադրվել Բարձրագույն դատական խորհրդի անդամի թեկնածու, բայց ես գործադիր իշխանություն չեմ գնում, ես քաղաքական պաշտոն չեմ ստանձնում, ես քաղաքական թիմի անդամ չեմ դառնում, գնում եմ մասնագիտական աշխատանքի։
«Քանի որ թվապես ավելի փոքր խմբակցությունների կողմից առաջադրումը երաշխիք չէ, բնականաբար ես համաձայնել եմ թվապես մեծամասնության խմբակցության կողմից առաջադրվելու հետ, բայց ես քաղաքական թիմի անդամ չեմ դառնում, ես գնում եմ մասնագիտական աշխատանքի»,- այս մասին լրագրողների հետ զրույցում ասաց Գագիկ Ջհանգիրյանը՝ անդրադառնալով լրագրողների այն հարցին, թե ինչպես է հիմա հանդիպում իմքայլականների հետ, որոնք նրան մեղադրել են նախկինների հետ սերտ կապեր ունենալու հետ:
Նա ասաց, որ այդ որոշումը հիմա է կայացրել, քանի որ իր 65 տարեկանը արդեն լրացել է. « Ես ուրախ կլինեմ, որ այսօր ևեթ «Բարգավաճ Հայաստանը» և «Լուսավոր Հայաստան» խմբակցությունը ևս ինձ առաջադրի, մեծ սիրով կհամաձայնեմ իրենց կողմից ևս առաջադրվելու»,- ասաց նա:
Նա նաև նշեց, որ տվել է իր համաձայնությունը ԲԴԽ իրավաբան-անդամ առաջադրվելու:
