Այսօր հրաժարականիս երկրորդ դիմումը կներկայացնեմ. Արտակ Բեգլարյան
Այսօր ես երկրորդ դիմումը կներկայացնեմ, որից հետո ԱԺ նախագահն արձանագրությունը կկազմի, կհրապարակի: Այդ պահից սկսած ես կազատվեմ ՄԻՊ-ի պաշտոնից: Այս մասին մամուլի ասուլիսի ժամանակ հայտարարեց Արցախի ՄԻՊ Արտակ Բեգլարյանը՝ հավելելով, որ նոր պաշտոնում ավելի օգտակար կարող է լինել առկա ճգնաժամային իրավիճակի լուծման համար:
Բեգլարյանի խոսքերով, օրենքը պահանջում է, որ ՄԻՊ-ն ազատվի պաշտոնից այն դեպքում, երբ երկու անգամ է հրաժարականի դիմում ներկայացնում կամ մեկ շաբաթվա ընթացքում ետ չի վերցնում դիմումը, դրա համար էլ այսօր երկրորդ դիմումը կներկայացնի:
«Նախագահի կողմից առաջարկ եմ ստացել գործադիրում այլ պաշտոն ստանալու մասին»,-նշեց նա:
