Նրանից եմ իմացել, որ զենք եմ ուղարկում այնտեղ. Արա Աբրահամյանը պատասխանել է Ալիևի մեղադրանքներին
Ռուսաստանի հայերի միության նախագահ Արա Աբրահամյանը պատասխանել է Ադրբեջանի նախագահ Իլհամ Ալևին, ով ավելի վաղ հայտարարել էր, թե «Ռուսաստանում բնակվող հայ գործարարները ՝ Կարապետյանը, Աբրահամյանը և այլոք» քաղաքացիական ինքնաթիռներով Ռուսաստանից Երեւան են ուղարկում հրթիռային համակարգեր և այլ զենքեր:
Աբրահամյանը շեշտել է, որ ինքը բացառապես հումանիտար օգնություն է ուղարկում Ղարաբաղ.
«Նրանից եմ իմացել, որ զենք եմ ուղարկում այնտեղ: Մենք ՝ Ռուսաստանում, զենքի պետական մենաշնորհ ունենք, և դրանք չեն վաճառվում շուկաներում: Ալիևի համար այս ապատեղեկատվությունն իր գործողություններն արդարացնելու համար է: Բայց Թուրքիան այնտեղ մեծ քանակությամբ զենք ու վարձկաններ է մատակարարում: Այն փաստը, որ մենք մարդասիրական օգնություն ենք ուղարկում, միանշանակ է: Դա նորմալ է»:
Նա նաև նշել է, որ նրանք իրեր են ուղարկում, որոնք անհրաժեշտ են խաղաղ բնակչությանը․ «Նույնիսկ լապտերներ ենք ուղարկում այստեղից: Ոչ ոք չէր մտածում, որ նման բարբարոսություն կլինի»:
