Ալիևը զանգել է Պուտինին

Ադրբեջանի և Ռուսաստանի նախագահներ Իլհամ Ալիևը և Վլադիմիր Պուտինը չորեքշաբթի հեռախոսազրույցի ընթացքում քննարկել են Լեռնային Ղարաբաղի շփման գծում առկա իրավիճակը: 

«Հեռախոսազրույցի ընթացքում պետությունների ղեկավարները քննարկել են հայ-ադրբեջանական ղարաբաղյան հակամարտության շուրջ ստեղծված իրավիճակը: Նախագահ Իլհամ Ալիևը և նախագահ Վլադիմիր Պուտինը մտքեր են փոխանակել ադրբեջանա-ռուսական հարաբերությունների հեռանկարների վերաբերյալ», - նշվում է հաղորդագրությունում:

Զանգը եղել է Ալիևի նախաձեռնությամբ, ով շնորհավորել է իր ծննդյան օրը նշող Պուտինին: Նշենք, որ այսօր Պուտինի ծննդյան տարեդարձն է: