Լուրն ապատեղեկատվություն է, նոր որոշում Վրաստան-Հայաստան սահմանին վերաբերող չկա. Վրաստանում ՀՀ դեսպանություն

Այսօր մամուլում լուրեր տարածվեց այն մասին ,որ սեպտեմբերի 15-ից Վրաստան մուտք գործող յուրաքանչյուր անձ, պետք է PCR թեստի պատասխան ներկայացնի: Ըստ լուրերի որոշումը կայացվել է հանուն Վրաստանի քաղաքացիների ու արտասահմանցիների առողջության:

Auroranews-ը կապ է հաստատել Վրաստանում ՀՀ դեսպանության հետ, հասկանալու համար, երբ են բացվում սահմանները  և արդյոք այն բացվում է նաև  ՀՀ քաղաքացիների համար: 

«Լուրն ապատեղեկատվություն է, սահմանները չեն բացվում, նոր որոշում Վրաստան-Հայաստան սահմանին վերաբերող չկա»,- մեզ հետ զրույցում հայտնեցին դեպանատնից: 

Ճշտող հարցին, թե կա տեղեկություն մոտակա ժամանակահատվածում ճանապարհների վերաբացվելու վերաբերյալ կամ եղել են քննարկումներ, պատասխանեցին` «ոչ»:
 

Հարցին`տարանցիկ երկիր հանդիսոցող Վրաստանը, Հայստանից Ռուսաստան մեկնող քաղաքացիների համար ի՞նչ աշխատանքներ է տանում, Վրաստանում մեր ներկայացուցիչը ասաց, որ Ռուսաստանը չի բացում սահմանը և ոչ մեկի համար:

«Իրենք ոչինչ անել չեն կարող, մնում է միայն չարտերային թռիչքներից օգտվելու տարբերակը, իհարկե, դա էլ վերաբերում է միայն ՌԴ քաղաքացիներին, ոչ այն ՀՀ քաղաքացիներին, ովքեր ցանկանում են ՌԴ մեկնել»:

Հիշեցնենք, որ ՀՀ ԱԳՆ-ից ստացված տեղեկատվության համաձայն՝ օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ։ Արգելքը չի վերաբերում բեռնափոխադրումներին: