Վարչապետն իր հանգիստն անցկացնելու է ՀՀ-ում. խոսնակ
ՀՀ վարչապետ Նիկոլ Փաշինյանն օգոստոսի 31-ից սեպտեմբերի 4-ը կլինի արձակուրդում: Այս մասին վարչապետի որոշումը հրապարակված է կառավարության պաշտոնական կայքում:
ArmDaily.am-ի հետ զրույցում վարչապետի մամուլի խոսնակ Մանե Գևորգյանն ասաց, որ վարչապետն իր հանգիստն անցկացնելու է Հայաստանի Հանրապետությունում։
Դիտարկմանը՝ Երևանում է լինելու, թե հանգստի է մեկնելու հանգստավայր, խոսնակը նշեց. «Վարչապետի և նրա ընտանիքի հանգստի մասին այլ բան ասել չեմ կարող»։
Նշենք, որ կառավարությունից այս պահին արձակուրդում է գտնվում Առողջապահության նախարար Արսեն Թորոսյանն, ով երեկ Արագածից լուսանկար էր հրապարակել։
