Լուրեր են պտտվում, որ «Լիդիան»-ը ցանկանում է իր փաստաբանների հիմնադրած պահնորդական ընկերությունը գործի դնել. ՀԲՃ
«Հայկական բնապահպանական ճակատ»-ը ֆեյսբուքյան իր էջում հաղորդագրություն է տարածել, որում մասնավորապես նշում է, որ լուրեր են պտտվում, թե «Լիդիան Արմենիա»-ն իր փաստաբանների հիմնադրած պահնորդական ընկերությունն է ցանկանում գործի դնել:
«Լուրեր են պտտվում, որ Լիդիանն իր փաստաբանների հիմնադրած պահնորդական ընկերությունն է ցանկանում գործի դնել։
Հիշեցնենք, որ ամռանը վարձած «Հատուկ անվտանգության ծառայություն» ՍՊԸ-ն պահնորդական լիցենզիայով չուներ զենք պահելու եւ օգտագործելու իրավունք, սակայն Ամուլսար էր փորձում ներխուժել զինված։ Այս վարձկանների բռնի «արկածների» մասին երեւի տեղյակ եք։
Ամեն ինչ պետք է անել, որ Լիդիան սիքյուրիթիին ոստիկանությունը չտա զենք օգտագործելու իրավունք, իսկ ավելի կոնկրետ՝ այս նոր պահակախումբը բռնի սադրանքներ չկազմակերպի ընդդեմ խաղաղ դիմադրության»,- ասված է հաղորդագրության մեջ։
