Խոշոր ավտովթար՝ Արմավիրի մարզում. ավտոմեքենան բախվել և փլուզել է բնակելի տան քարե պարիսպն ու կողաշրջվել
Այսօր՝ հուլիսի 19-ին, խոշոր ավտովթար է տեղի ունեցել Արմավիրի մարզում: Այս մասին գրում է Shamshyan.com-ը:
Ժամը 08:00-ի սահմաններում Գյումրի քաղաքի բնակիչ, 39-ամյա Ա. Չ.-ն իր վարած Mitsubishi Pajero ավտոմեքենայով Սարդարապատ գյուղի 27-րդ փողոցի սկզբնամասում դեռևս անհայտ հանգամանքներում դուրս է եկել ճանապարհի երթևեկելի գոտուց, բախվել բնակչի տան քարե պարսպին, փլուզել այն և կողաշրջվել:
Վթարի հետևանքով վարորդը մարմնական վնասվածքներով տեղափոխվել է «Արմավիր» բժշկական կենտրոն:
