Արարատի մարզում Nissan March-ը բախվել է ծառին․ կան վիրավորներ

Հուլիսի 16-ին ավտովթար է տեղի ունեցել Արարատի մարզում։ Ժամը 14։00-ի սահմաններում Արգավանդ գյուղի բնակիչ 38-ամյա Մարիամ Մ․-ն իր վարած Nissan March մակնիշի ավտոմեքենայով Արևշատ-Lանջազատ գյուղամիջյան ճանապարհի 2 կմ հատվածում, դեռևս անհայտ հանգամանքներում, դուրս է եկել ճանապարհի երթևեկելի գոտուց, բախվել ծառին։ Ինչպես հայտնում է shamshyan.com-ը, վթարի հետևանքով՝ վարորդ Մարիամ Մ․-ն և ուղևոր՝ Թաիրով գյուղի բնակիչ, 39-ամյա Լիլիթ Ս․-ն մարմնական վնասվածքներով տեղափոխվել են «Էրեբունի» բժշկական կենտրոն։

Փաստի առթիվ նյութեր են նախապատրաստվում։