Ադրբեջանը իր սպառազինությունում եղած ողջ զինանոցը գրեթե կիրառել է. Արծրուն Հովհաննիսյանը մանրամասնում է

Ադրբեջանի Զինված ուժերը, այդ թվում սահմանապահ ծառայությունը իրենց սպառազինությունում եղած ողջ զինանոցը գրեթե  կիրառել է, բացառությամբ մի քանի միջոցների: Այս մասին այսօր՝ հուլիսի 15-ին, լրագրողների հետ հանդիպմանն ասաց Իջեւանում լրատվական ճգնաժամային կենտրոնի պատասխանատու Արծրուն Հովհաննիսյանը:

«Դրանք են մասնավորապես, բոլոր տրամաչափի հրաձգային զենքերը՝ գնդացիրներ, ականանետեր, նռնականետեր, տանկեր, հրետանային միջոցներ, ընդհուպ մինչեւ 122 մմ եւ չի բացառվում՝ ավելի մեծ  տրամաչափի: Հարվածային դրոններից եթե չեմ սխալվում առաջին անգամ ենք տեսնում իսրայելական «Սքայ Սթրայքեր» տեսակը:Հավանաբար, սա նոր համալրված տեսակ է:

Մեր հակաօդային պաշտպանությունը մոտավոր 10 ԱԹՍ է խոցել»,- նշեց Հովհաննիսյանը: